அன்பு நண்பர்களே
     தொடர்ந்து எழுதுவதாக உள்ளேன் . ஏப்ரல் 1 ன்னு நினைக்காதீங்க . நிஜம்  நிஜமோ நிஜம்.

வெகு நாட்களுக்கு பிறகு கோவை கம்பன் விழாவில் மேடை ஏறினேன். மிக சுகமாக இருந்தது .சிறந்த இலக்கியவாதியும் ராஜ் டி வி புகழ் நடுவருமான அப்துல் காதர் தலைமை .
தலைப்புதான் கொஞ்சம் ஆழம் . ஆழமுன்னா ஆழம் . வெகு ஆழம் தலைப்பு கேட்டிங்களா  திருக்குறளின்  குரல் ஓங்கி ஒலிப்பது   பாலகாண்டதிலா அயோத்யா  காண்டதிலா  சுந்தர காண்டத்திலா . இதுதான் தலைப்பு 
    கோவை கம்பன் கழகத்தின் மார்கண்டேய  செயலர்  80 ஐ தாண்டிய  நஞ்சுண்டன்  அய்யா  அவர்களின் தூண்டுதல்தான்  எனது  பங்களிப்புக்கு காரணம் .
       பழைய  நினைவுகள்  பொங்கி எழுந்தது . பேசிய பேச்சுக்கள் , படித்த கவிதைகள்  எல்லாம் நினைவுக்கு வந்தது.அந்த  மேடை  அப்படி ஒரு மேடை .நஞ்சுண்டன் அய்யா அவர்களை போன்றவர்கள் செய்கிற பணி பாராட்டுக்குரியது .ஏனென்றால்  தரமான ரசனை உணர்வை காப்பாற்றுபவர்கள் இவர்களை போன்றவர்கள்தான்
 

 

நேற்று ஒரு திருமணத்துக்கு போயிருந்தேன் .

வீரமணி என்ற ஒரு நண்பர் . ராஜேஸ்வரி என்ற அற்புதமான பெண்ணை திருமணம் செய்தார் .இதில் என்ன விசெஷேம் என்கிறிர்களா . மணமகள் ஒரு மாற்றுதிரனாளி. திருமணம் மிக எளிமையாக விஜயா பதிப்பகம் வேலாயுதம் அய்யா தாலி எடுத்து கொடுக்க நடைபெற்றது .

வாழ்கையை இப்படி எதிர்கொள்கிற துணிவு எத்தனை பேருக்கு வரும்.நான் கலந்து கொண்டதில் மணமகளுக்கு மட்டற்ற மகிழ்ச்சி.அன்பும் கண்ணீருமாய் நன்றி சொன்னார். படங்கள் கேட்டிருக்கிறேன். வந்தவுடன் பார்வைக்கு வைக்கிறேன் .

நான் பார்த்த நல்ல இரு இளம் உள்ளங்களை நீங்களும் பாருங்கள் .